எம்.ஜி.ஆரின் 100 வது பிறந்த நாளான ஜனவரி 17 ம் தேதி அரசு பொது விடுமுறை நாள்: தமிழக அரசு அறிவிப்பு

 

எம்.ஜி.ஆரின் 100 வது பிறந்த நாளான ஜனவரி 17 ம் தேதியை அரசு பொது விடுமுறை  நாளாக தமிழக அரசு அறிவித்துள்ளது.

இதுகுறித்து, தமிழக அரசு இன்று வெளியிட்டுள்ள அறிக்கை:

''தமிழக முன்னாள் முதல்வர் எம்.ஜி. ராமசந்திரனின் 100 வது பிறந்த நாளான ஜன.,17 (17.01.2017 மட்டும்) ம் தேதி தமிழக அரசு பொது விடுமுறை நாளாக அறிவிக்கப்பட்டுள்ளது.

அன்றைய தினம், அரசு அலுவலகங்கள், பள்ளி, கல்லுாரிகள், மாநில பொதுத்துறை நிறுவனங்கள், தொழில் நிறுவனங்கள் , உள்ளாட்சி அதிகார அமைப்புகள், கூட்டுறவு வங்கிகள் உள்பட அனைத்து வங்கிகள், அரசு வாரியங்கள் உள்ளிட்டவற்றிற்கு விடுமுறை அளிக்கப்படுகிறது. இந்த உத்தரவு தமிழக அரசிதழில் வெளியிடப்படும். தனியார் நிறுவனங்கள் ஜன.,17 ம் தேதி விடுமுறை அளிக்க அறிவுறுத்தப்படுகிறது.''

இன்று வெளியான அறிவிப்பையடுத்து, நாளை முதல் செவ்வாய் கிழமை வரை 4 நாட்கள் தொடர்ச்சியாக அரசு விடுமுறையாக அமைந்துள்ளது.